Ազգային գրադարանային շաբաթը, որն այս տարի անցկացվում է «Դպրոցական գրադարանները նորարարության տիրույթում» կարգախոսով, շարունակվում է։ Ծրագրի շրջանակում Հայկական գրադարանային ասոցիացիայի և Խնկո Ապոր անվան ազգային մանկական գրադարանի նախաձեռնությամբ կազմակերպվել է վարպետության դաս Արագածոտնի մարզի դպրոցական գրադարանների գրադարանավարների համար։
Դասընթացը վարել են Խնկո Ապոր անվան ազգային մանկական գրադարանի փոխտնօրեն Ռուզաննա Թելունցը և նույն գրադարանի սպասարկման բաժնի վարիչ Կարինե Հովհաննիսյանը։
Դասընթացի ընթացքում մասնակիցները ծանոթացել են գրադարանային գործի ժամանակակից մոտեցումներին, ընթերցանության խթանման նոր մեթոդներին, ինչպես նաև երեխաների հետ աշխատանքի արդյունավետ ձևերին։
Հանդիպումն անցել է արդունավետ մթնոլորտում, մասնակիցներին տվել մասնագիտական աճի նոր հնարավորություններ։
