Գրադարանը` ներառականության հարթակ. «Ազգային գրադարանային շաբաթը» հագեցած կլինի բազմաբովանդակ միջոցառումներով

Հայկական գրադարանային ասոցիացիայի նախաձեռնությամբ իրականացվող «Ազգային գրադարանային շաբաթն» այս տարի կանցկացվի ապրիլի 14-21-ը։ Այն իրականացվելու է «Գրադարանը ներառականության հարթակ» կարգախոսի ներքո: «Ազգային գրադարանային շաբաթ» միջոցառմանը հետաքրքիր և հագեցած ծրագրերով մասնակցում են ՀՀ պետական և համայնքային գրադարանները: Կլինեն տարաբնույթ միջոցառումներ` վարպետության դասեր, առցանց սեմինարներ, մասնագիտական այցեր ՀՀ մարզային և համայնքային գրադարաններ, ճանաչողական այց Հայաստանի ազգային ագրարային համալսարանի գիտական գրադարան, բարձրաձայն ընթերցանություն «Ջերմիկ անկյուն» կենտրոնի անդամների համար, ժեստերի լեզվով հեքիաթապատում` լսողության խանգարումներ ունեցող երեխաների համար, գրադարանային փոխայցեր և այլն։

Ամենամյա դարձած Ազգային գրադարանային շաբաթը կազմակերպվում և անցկացվում է Հայկական գրադարանային ասոցիացիայի կողմից` սկսած 2002 թվականից:

«Ազգային գրադարանային շաբաթվա» մասնակիցներին սպասում է հետաքրքիր և բազմաբովանդակ ծրագիր։