«Գրքերի ապահով աշխարհում». վերապատրաստման դասընթաց գրադարանավարների համար

Խնկո Ապոր անվան ազգային մանկական գրադարանը՝ «IBBY Արմենիա» մշակութային ՀԿ-ի հետ համագործակցությամբ, հայտարարում է «Գրքերի ապահով աշխարհում» թեմայով եռօրյա վերապատրաստման դասընթաց՝ նախատեսված գրադարանավարների համար։

Դասընթացը նվիրված է գրքի և ընթերցանության միջոցով երեխաների համար ապահով, աջակցող և ներառական միջավայրերի ստեղծմանը։ Մասնակիցները հնարավորություն կունենան բացահայտելու գրքի և ընթերցանության ներուժը՝ որպես երեխաների հետ աշխատանքի, նրանց հուզական աջակցության և ապահով տարածքի ձևավորման կարևոր գործիքների։

Դասընթացի օրերը՝ 2026 թ. սեպտեմբերի 7–9

Ժամը՝ 10:00–17:00

Դասընթացավար՝ Էլլա Բերթհուդ (Անգլիա)

Անցկացման վայրը՝ ք. Երևան, Տերյան 42/1 (Խնկո Ապոր անվան ազգային մանկական գրադարան)

Դասընթացը կհամադրի միջազգային փորձն ու գործնական մեթոդները՝ գրադարանավարներին հնարավորություն տալով ձեռք բերել նոր գիտելիքներ և կիրառական գործիքներ՝ իրենց համայնքներում երեխաների համար ավելի ապահով, աջակցող և ներառական գրադարանային միջավայր ստեղծելու համար։

Դասընթացին մասնակցության պայմաններին ծանոթանալու և գրանցվելու համար գրեք մեր էջին անձնական նամակով կամ զանգահարեք՝ +374 60 27 11 31 հեռախոսահամարով։

Դասընթացի ավարտին տրվում է վկայական:

Տեղերը խիստ սահմանափակ են:

Ծրագրին կարող եք ծանոթանալ՝ այցելելով հետևյալ հղումով