Սեպտեմբերի 8-ին Խնկո Ապոր անվան ազգային մանկական գրադարանում տեղի ունեցավ գիտելիքի, գրքի և դպրության օրվան նվիրված «Ընդառաջ գիտելիքին» խորագրով թատերական բեմականացում:
Գրադարանի ակտիվ ընթերցողները հյուրերին պատմեցին աշխարհի ամենատարբեր գյուտերի ու հայտնագործությունների, երաժշտության ու թատրոնի ստեղծման պատմության մասին, ներկայացրեցին փաստեր տիեզերքի, եղանակային երևույթների մասին, կարդացին հանելուկներ:
Ընդգծելով գիտելիքի կարևորությունը’ երեխաները նշեցին, որ կրթվելու ու զարգանալու ամենաառաջին ու անփոփոխ ճանապարհը գիրք ընթերցելն է:
Գիտելիքի օրը գրադարանի տարբեր սպասարկման սրահներում անցկացվեց զրույցների շարք նվիրված Գիտելիքի, գրի և դպրության օրվան. սրահներում ներկայացված էին գրքային ցուցահանդեսներ:
