Այսօր Խնկո Ապոր անվան ազգային մանկական գրադարանում ավարտվել է Հայաստանի մարզային և համայնքային գրադարանների համար անցկացվող «Վարպետաց դասեր» խորագրով վերապատրաստման ծրագրի երկրորդ փուլը, որը կազմակերպվել էր ՀՀ կրթության, գիտության, մշակույթի և սպորտի նախարարության աջակցությամբ: Դասընթացի մասնակից Տավուշի, Լոռու, Արարատի, Գեղարքունիքի, Կոտայքի մարզային եւ համայնքային գրադարանների ներկայացուցիչները հետաքրքիր եւ մասնագիտական նոր ձեռքբերումներին միտված հետաքրքիր թեմաների են ծանոթացել։
Երկու փուլով իրականացված դասընթացին մասնակցել է գրադարանային ոլորտի 50 ներկայացուցիչ Հայաստանի բոլոր մարզերից։
Դասընթացը ոլորտի մասնագետներին տվել է գործնական և տեսական նոր հմտություններ, մասնակիցները ստացել են ոչ միայն արժեքավոր գիտելիքներ, այլև ստեղծել համագործակցության նոր հնարավորություններ, հաստատել գործընկերային փոխհարաբերություններ այլ գրադարանների հետ։
Վերապատրաստման դասընթացը կնպաստի ոլորտի ներկայացուցիչների մասնագիտական հմտությունների զարգացմանը, նորարարական մեթոդների կիրառմանը և գրադարանի ծառայությունների որակի բարձրացմանը։
Դասընթացի ավարտին մասնակիցները ստացել են հավաստագրեր:
