Փետրվարի 19-ին` Գիրք նվիրելու օրվա միջոցառումների շրջանակում Խնկո Ապոր անվան ազգային մանկական գրադարանում տեղի է ունեցել 2024 թվականի լավագույն ընթերցողների պարգևատրման արարողությունը։
Ցերեկույթը մեկնարկել է գրադարանի թատերական ստուդիայի սաների մասնակցությամբ փոքրիկ ներկայացմամբ:
Հաջորդիվ տեղի է ունեցել պարգևատրման արարողությունը: Գրադարանի տարբեր տարիքային խմբերի 11 ընթերցողներ, որոնք տարվա ընթացքում կարդացել են 40 և ավելի գրքեր, ճանաչվել են տարվա լավագույն ընթերցող։
Տարվա լավագույն ընթերցողներին պատվոգրեր է հանձնել Խնկո Ապոր անվան ազգային մանկական գրադարանի տնօրեն Ռուզան Տոնոյանը: Լավագույն ընթերցողները գրադարանի կողմից արժանացել են նաև խորհրդանշական նվերների։
Պարգևատրման արարողությունից հետո տարվա լավագույն ընթերցողները գրադարանի աշխատակիցների ուղեկցությամբ այցել են Հայաստանի պատմության թանգարան և դիտել «Մայր աստվածություն. Անահիտից Մարիամ» ժամանակավոր ցուցադրությունը:
