«Արևմտահայ գրականության միամսյակ» ծրագրի շրջանակում Խնկո Ապոր անվան ազգային մանկական գրադարանում մայիսի 10-ին տեղի է ունեցել «Ճանաչենք արևմտահայ գրողներին» խորագրով դաս-հանդիպումն ու ինտերակտիվ քննարկումը:
Երևանի թիվ 186 հիմնական դպրոցի աշակերտների համար միջոցառումն անցկացրել են Խնկո Ապոր անվան ազգային մանկական գրադարանի աշխատակիցները:
Ինտերակտիվ դասի ընթացում ներկայացվել է արևմտահայերենի բացառիկությունը, լեզվի առանձնահատկությունները, գրողների կենսագրությունները, գործունեությունն ու գրական ստեղծագործությունները:
Անդրադարձ է կատարվել նաև տարբեր գործոնների հետևանքով արևմտահայերենի վտանգվածությանը, ինչի պատճառով այն դասված է ՅՈՒՆԵՍԿՕ-ի վտանգված լեզուների շարքին: Բանախոսները առանձնահատուկ շեշտել են արևմտահայերենի պահպանության, զարգացման և հանրահռչակման կարևորությունը:
Դպրոցականները վիկտորինայի ձևաչափով նյութի վերաբերյալ պատասխանել են հարցերի, ամփոփել` թեմայի շրջանակում ձեռբերած գիտելիքները: Այնուհետև ներկաների հետ կիսվել են արևմտահայ գրողների մասին ընթերցած պատմություններով և արտասանել հատվածներ արևմտահայ հեղինակների ստեղծագործություններից:
