Այսօր Խնկո Ապոր անվան ազգային մանկական գրադարանում ավարտվել է Հայաստանի մարզային և համայնքային գրադարանների համար անցկացվող «Վարպետաց դասեր» խորագրով վերապատրաստման ծրագրի առաջին փուլը,որը կազմակերպվել է ՀՀ կրթության, գիտության, մշակույթի և սպորտի նախարարության աջակցությամբ :
Դասընթացի մասնակից Սյունիքի, Վայոց Ձորի, Շիրակի, Արմավիրի և Արագածոտնի մարզային և համայնքային գրադարանների ներկայացուցիչները ծանոթացել են ժամանակակից տեղեկատվական շտեմարանների, էլեկտրոնային աղբյուրների, տեղեկատու-որոնողական աշխատանքների համակարգման առանձնահատկություններին, նոր գիտելիքներ ստացել մեթոդամատենագիտական աշխատանքների վերաբերյալ:
Եռօրյա դասընթացը ոլորտի մասնագետներին տվել է գործնական և տեսական նոր հմտություններ, որոնք կնպաստեն աշխատանքի որակի բարձրացմանը:
Դասընթացի ավարտին մասնակիցները ստացել են հավաստագրեր:
