Խնկո Ապոր անվան ազգային մանկական գրադարանը միանում է Ոչ նյութական մշակութային ժառանգության միջազգային օրվան նվիրված միջոցառումներին։
Հոկտեմբերի 17-ին գրադարանում կանցկացվեն հայկական մշակութային ժառանգությանը նվիրված մի շարք հետաքրքիր և ճանաչողական միջոցառումներ՝
«Հայկական ասեղնագործությունը, նրա կիրառումն ու տարածումը»՝ ցուցահանդես-տեսություն,
«Գացեք տեսեք»՝ հայկական ծիսական երգի ուսուցում, զրույց և երաժշտության ունկնդրում,
«Ազգային երաժշտական գործիքներ՝ թառ, դուդուկ, քանոն, պարկապզուկ»՝ դաս-պարապմունք,
«Ստվերների տիկնիկային թատրոն․ ծագումը, պատմությունը»՝ դաս-պարապմունք։
Այս միջոցառումների միջոցով երեխաները հնարավորություն կունենան ճանաչելու և արժևորելու հայկական ոչ նյութական մշակութային ժառանգության տարբեր դրսևորումները՝ ավանդական արհեստներից ու ծիսական երգերից մինչև ազգային երաժշտական գործիքներ և թատերական արվեստ։
Սիրով սպասում ենք մեր փոքրիկ ընթերցողներին՝ միասին բացահայտելու, ճանաչելու և պահպանելու մեր մշակութային ժառանգությունը։
