Տարվա լավագույն ընթերցողները պարգևատրվել են

Փետրվարի 19-ին` Գիրք նվիրելու օրվա միջոցառումների շրջանակում Խնկո Ապոր անվան ազգային մանկական գրադարանում տեղի է ունեցել 2025 թվականի լավագույն ընթերցողների պարգևատրման արարողությունը։

Արդեն ավանդական դարձած հանդիսությունը մեկնարկել է փոքրիկ ներկայացմամբ` գրադարանի ակտիվ ընթերցողների մասնակցությամբ:

Այնուհետև տեղի է ունեցել պարգևատրման արարողությունը: Այս տարի գրադարանի տարբեր տարիքային խմբերի 15 ընթերցողներ, ովքեր տարվա ընթացքում կարդացել են 40 և ավել գրքեր, ճանաչվել են տարվա լավագույն ընթերցող։

Տարվա լավագույն ընթերցողներին պատվոգրեր և նվերներ է հանձնել Խնկո Ապոր անվան ազգային մանկական գրադարանի տնօրեն Ռուզան Տոնոյանը։ Այս տարի գրադարանի հետ համագործակցել են նաև Հայէկոնոմբանկը և Ինեկոբանկը, ովքեր լավագույն ընթերցողների համար բազմաթիվ նվերներ էին պատրաստել։

Խնկո Ապոր անվան ազգային մանկական գրադարանի տնօրեն Ռուզան Տոնոյանը շնորհակալություն է հայտնել մրցանակակիրների ծնողներին, գրադարանի աշխատակիցներին, ում համատեղ աշխատանքի արդյունքում երեխաների մեջ սեր է արթնանում ընթերցասիրության հանդեպ։