Խնկո Ապոր անվան ազգային մանկական գրադարանում ավարտվեց Մանկապատանեկան գրքի և երաժշտության հոբելյանական 80-րդ շաբաթը, որն իր շուրջ համախմբել էր տասնյակ ընթերցող երեխաների, մշակութային գործիչների, ավագ ու երիտասարդ սերնդի մանկագիրների։
Մարտի 31-ից ապրիլի 7-ն ընկած օրերին գրադարանում մանկագիրների ու մանկական գրքերի թարգմանիչների հետ հանդիպումների շնորհիվ երեխաներն իրենց կողմից ընթերցված գրքերի ու դրանց հերոսների մասին հարցերի պատասխանները ստացան, մասնակցեցին երաժշտական խաղ-վիկտորինաների, վարպետության դասերի, կրթական դասընթացների ու քննարկումների։ Գրադարանի փոքրիկ հյուրերի համար կազմակերպվեցին մուլտֆիլմերի դիտումներ ու հեքիաթապատումներ, երաժշտական միջոցառումների ընթացքում երեխաները ծանոթացան ազգային նվագարաններին, մասնակցեցին երաժշտական կոլեկտիվ ունկնդրումների. ընթերցողները կոնֆերանս-հանդիպումի ընթացքում հնարավորություն ունեցան անմիջական շփում ունենալ ամենաընթերցված գրքերի երիտասարդ հեղինակների հետ:
