Ազգային գրադարանային շաբաթը Խնկո Ապոր անվան ազգային մանկական գրադարանում
Հայկական գրադարանային ասոցիացիայի նախաձեռնությամբ ապրիլի 13-20-ը անցկացվել է «Ազգային գրադարանային շաբաթը», որն իրականացվել է «Դպրոցական գրադարանները նորարարության տիրույթում» կարգախոսի ներքո։ Շաբաթվա ընթացքում ակտիվ մասնակցություն է ունեցել նաև Խնկո Ապոր անվան ազգային մանկական գրադարանը։
Կազմակերպվել է վարպետության դաս Արագածոտնի մարզի դպրոցական գրադարանավարների համար, ինչպես նաև կլոր սեղան-քննարկում՝ Երևանի դպրոցական գրադարանների ներկայացուցիչների և ոլորտի պատասխանատուների մասնակցությամբ։ Գրադարանում անցկացվել են բաց դասեր, հետաքրքիր մասնագիտական քննարկումներ։
Շաբաթվա ընթացքում գրադարանի ճեմասրահում ներկայացվել են ցուցադրություններ, իրականացվել են ճանաչողական-մասնագիտական այցեր և փորձի փոխանակման հանդիպումներ։
Միջոցառումները նպատակ ունեն կարևորել դպրոցական գրադարանների դերը և խթանելու դրանց զարգացումը ժամանակակից և նորարար միջավայրում։
