Խնկո Ապոր անվան ազգային մանկական գրադարանում մարտի 25-ին «Ֆրանկոֆոնիայի օրեր» ծրագրի շրջանակում օտարալեզու հավաքածուի սպասարկման բաժնում կազմակերպվել է դաս-պարապմունք՝ «Կախարդական ուղևորություն՝ Լուվրի թաքնված գանձերի պատմական էքսկուրս»:
Միջոցառման ընթացքում երեխաները ծանոթացել են Լուվրի թանգարանի տարբեր բաժինների ստեղծմանը և առանձնահատկություններին։ Նորովի են բացահայտել արվեստի և պատմության աշխարհը, վիրտուալ էքսկուրսիա կատարել Լուվրում։
Աշակերտները սահիկաշարի միջոցով դիտել են նկարներ, լսել պատմություններ, որոնք բացահայտել են յուրաքանչյուր բաժնի յուրահատուկ գաղտնիքները, ձեռք են բերել նոր գիտելիքներ Լուվրի մասին և ոգեշնչվել արվեստով և մշակույթով։
